Qodirov Ukraina razvedkasi tarqatgan mish-mishlarni rad etdi (video)

Avvalroq, Ukraina razvedkasi Checheniston Respublikasi rahbari Ramzan Qodirovning sog‘lig‘i buyragining ishlamasligi tufayli yomonlashgani va buning ortidan mamlakatga yangi rahbar tayinlanishi mumkinligi haqida xabar bergan edi. Shundan so‘ng, Ramzan Qodirov Grozniy shahrida avtomobil boshqargan holda videotasvirga tushib, Ukraina maxsus xizmatlari tarqatgan mish-mishlarga javob berdi.  

Videoda u Ukraina maxsus xizmatlarining yomon ishlayotganini va o‘zining shifoxonada emasligini aytgan.

“Razvedka umuman ishlamayapti, xuddi uxlab yotgandek, shunchaki xohlaganlarini yozishmoqda. Ukraina maxsus xizmatlari menda xususiy klinika borligini aniqlabdi. U yerda menga buyrak bo‘yicha rad javobi berishganmish va men o‘sha yerda yashayotganmishman. Aslida esa... Aslida biz shahar bo‘ylab sayr qilmoqdamiz”, degan Qodirov.

Video Ukraina harbiy razvedkasi “Ramzan Qodirov buyrak ishdan chiqishi sababli shifoxonaga yotqizilgan” degan ma’lumotni tarqatganidan so‘ng e’lon qilingan. 

Ma’lumki, Checheniston rahbari sog‘lig‘i bo‘yicha mish‑mishlar uzoq vaqtdan beri tarqalib keladi. Unga og‘ir kasalliklar, jumladan davolanmaydigan oshqozon bezi nekrozi hamda boshqa jiddiy muammolar ta’qib qilayotgani aytiladi. Qodirov bu xabarlarni muntazam ravishda inkor qiladi.

Eslatib o‘tamiz, avvalroq Ukraina Prezidenti Vladimir Zelenskiy AQSH hukumatiga Checheniston rahbari Ramzan Qodirov ham xuddi Venesuela Prezidenti Nikolas Maduro kabi hibsga olinishi kerakligini aytgan edi.