Qirg‘izistonda Milliy xavfsizlik mahalliy xonandani hibsga oldi

Qirg‘izistonda maxsus xizmat xodimlari mahalliy qo‘shiqchi Qayrat Primberdiyevni qo‘lga oldi. Bu haqda Milliy xavfsizlik davlat qo‘mitasiga tayanib, “24.kg” xabar berdi.

Qayd etilishicha, xonanda Qirg‘iziston Jinoyat kodeksining 330-moddasi (irqiy, etnik, milliy, diniy yoki mintaqalararo adovatni (nifoq) qo‘zg‘atish) bilan qo‘zg‘atilgan jinoyat ishi yuzasidan olib borilgan tezkor-qidiruv tadbirlari doirasida ushlangan. U YouTube kanalida milliy adovatni qo‘zg‘atishga qaratilgan bayonotlar bergan.

Qayrat Primberdiyev 1985 yilda tug‘ilgan. 39 yoshli xonandaga chetga chiqmaslik to‘g‘risida yozma majburiyat tarzidagi ehtiyot chorasi qo‘llangan.

north_east

Qirg‘izistonda sobiq vazir va uning o‘g‘li qamaldi

Hozirda tegishli tergov va protsessual harakatlar olib borilmoqda. Milliy xavfsizlik davlat qo‘mitasi irqiy, etnik, milliy, diniy yoki mintaqalararo adovatni (nifoqni) qo‘zg‘atishga qaratilgan harakatlar uchun jinoiy javobgarlik to‘g‘risida ogohlantirib, qonun hujjatlarida o‘n yilgacha ozodlikdan mahrum qilish bilan jinoiy javobgarlik nazarda tutilganini eslatgan.

Eslatib o‘tamiz, avvalroq Qirg‘izistonning Jalolobod viloyatida mamlakatning maxsus xizmat xodimlari Iskandar Hamroqulov ismli shaxsni firibgarlikda gumon qilib qo‘lga olgandi. U Milliy xavfsizlik davlat qo‘mitasining Jalolobod viloyati bo‘yicha hududiy boshqarmasi rahbariyati bilan yaqin aloqada bo‘lganini aytib, fuqarolarni noto‘g‘ri yo‘lga boshlagan, huquqni muhofaza qiluvchi va sud organlari tomonidan jinoyat ta’qibiga doir masalalarni hal etishda vositachilik xizmatlarini taklif qilgan.