Qirg‘izistonda Bosh prokuror ham o‘zgardi. Navbatdagi nomzod – Japarovning tanishi
Olam
−
21 Oktabr 2020 8817
Bugun, 21 oktyabr kuni Qirg‘iziston Respublikasi Bosh prokurori Otkurbek Jamshitov muddatidan oldin lavozimidan ozod etildi. Qirg‘iziston parlamenti a’zolari Otkurbek Jamshitovni muddatidan oldin lavozimidan ozod etish uchun ovoz bergan.
Deputatlar yig‘ilishida ma’lum qilinganidek, Jamshitov "muddatidan oldin" va "o‘z xohishiga binoan" ishdan bo‘shatilgan.
Shuningdek, bugunning o‘zida Qirg‘iziston Respublikasiga yangi Bosh prokuror tayinlandi.
Konstitutsiyaviy qonunchilik, davlat tuzilishi, sud-huquqiy masalalar va reglament qo‘mitasi Bosh prokuror lavozimiga Qurmanqul Zulushev nomzodini ma’qullagan. Qaror qo‘mitaning bugungi yig‘ilishida qabul qilingan.
Qurmanqul Zulushev – oltinchi chaqiriq Jo‘qorg‘i Kengesining deputati. Uning nomzodini mamlakat Bosh prokurori lavozimiga Bosh vazir – vaqtincha Prezident vazifasini bajaruvchi Sadir Japarov taklif qilgan.
Live
Barchasi
