Qirg‘iziston va Tojikiston chegara masalasida tugal to‘xtamga keldi

Kecha,1 dekabr kuni Qirg‘iziston va Tojikiston hukumat delegatsiyalari hamraislari o‘rtasida qirg‘iz-tojik davlat chegarasini delimitatsiya va demarkatsiya qilish bo‘yicha muzokaralar bo‘lib o‘tdi. Bu haqda Qirg‘iziston Vazirlar Mahkamasi matbuot xizmati xabar berdi. 

Muzokaralar yakunida hukumat delegatsiyalari rahbarlari bayonot berdi. Xususan, Qirg‘iziston Milliy xavfsizlik davlat qo‘mitasi raisi Qamchibek Tashiyev chegara bo‘yicha bir qancha fundamental qarorlar qabul qilinganini aytdi. 

“Bu qarorlar masalaning mohiyatiga to‘g‘ri keladi. O‘ylaymanki, biz “butun yechim”ga erishishga juda yaqinmiz”, deydi u tojikistonlik hamkasbi bilan suhbatdan so‘ng. 

O‘z navbatida, Tojikiston Milliy xavfsizlik davlat qo‘mitasi rahbari Saymo‘min Yatimov muzokaralar muvaffaqiyatli o‘tganini va ikkita asosiy masala bo‘yicha fundamental qarorga kelganini ma’lum qildi.  

“Bu, birinchi navbatda, Vorux – Xo‘jai A’lo yo‘liga tegishli. Biz bu masalani amalda hal etilgan deb hisoblaymiz. Ikkinchi savol, Tatariston Respublikasi tomonidan Qirg‘iziston Respublikasi hududida foydalaniladigan ob’ektlar haqida. Bu borada fundamental qarorga keldik”, deydi u. 

Kelishuvlarga ko‘ra, Qirg‘iziston Tojikiston hududidagi o‘zi ishlatgan ob’ektlardan foydalanish imkoniyatiga ega bo‘ladi. Ammo yerning egasi Tojikiston bo‘lib qoladi. Tojikiston ham Qirg‘iziston Respublikasidagi o‘z ob’ektlaridan xuddi shu tamoyil asosida foydalanadi. 

“Bular faoliyatimizning o‘ta muhim strategik yo‘nalishlari bo‘lib, ularda aniq natijalarga erishdik. Binobarin, bu masalani ommaviy axborot vositalari orqali to‘g‘rilab, jamoatchilikka e’lon qilishning o‘zi katta voqeadir. Biz asosiy masalani hal qilishga yaqinroqmiz, muzokaralarimiz bir vaqtning o‘zida bu borada boshqa kelishmovchiliklar yuzaga kelmasligi uchun davlat chegarasini demarkatsiya qilishga turtki bo‘ladi”, deydi Saymo‘min Yatimov.