Qatarda Shtaynmayer sharmandali darajada kuttirildi

Germaniya Prezidenti Frank-Valter Shtaynmayer Qatar Amiri shayx Tamim bin Hamad Ol Soniy bilan uchrashish uchun Dohaga bordi va uni aeroportda kutib olishi kerak bo‘lgan rasmiylar kechikkani yoki ataylab kelmagani uchun samolyot trapida yarim soat kutishga majbur bo‘ldi. Bu haqda “Bild” gazetasi xabar berdi. 

Uning so‘zlariga ko‘ra, Shtaynmayer kecha, 29 noyabr kuni ertalab Dohaga kelib, Qatar amiri shayx Tamim bin Hamad Ol Soniy bilan muzokaralar o‘tkazadi.  

“Amir samolyot qo‘nishi bilan Shtaynmayerni qabul qilishga tayyor emasligi aniq edi”, deb yozgan nashr. 

Tasvirlardan ko‘rinadiki, Shtaynmayer samolyot trapida qo‘lini bog‘lagancha norozi yuz ifodasi bilan e’tirozini namoyon etgan. 

Gazetaning yozishicha, nemis tomoni protokol xizmati rahbarining so‘roviga javoban “Prezident kutib, vaqt o‘tkazish o‘rniga aeroportda choy ichishi kerakligi aytilgan, aftidan Shtaynmayer buni qilishni istamagan, 30 daraja issiq havoda deyarli yarim soat davomida trapda kutishni afzal ko‘rgan”, deyilgan.

“Bild” nashrining aniqlik kiritishicha, Qatar amiri Falastinning HAMAS radikal tashkiloti bilan garovga olingan isroilliklarni ozod qilish bo‘yicha muzokaralarda muhim vositachi bo‘lib ishlamoqda. 

Avvalroq Shtaynmayer Isroilda rasmiy tashrif bilan bo‘lib, u yerda isroillik hamkasbi Isxaak Gersog bilan uchrashib, HAMASga qarshi kurashda yahudiy davlati bilan birdamligini bildirgan edi. Keyin Shtaynmayer Ummon va Qatarga tashrif buyurdi.