Qashqadaryolik o‘quvchi sinfdoshining onasini “uxlatdi”
3-sahifa
−
12 yanvar 2023
10682Qashqadaryo viloyatida 10 sinf o‘quvchisi sinfdoshining onasini bank kartasidagi pullarini o‘zlashtirdi. Bu haqda Kiberxavsizlik markazi xabar berdi.
Qayd etilishicha, Yakkabog‘ tumanida yashovchi fuqaroning bank kartasidan jami 6 mln 663 ming so‘m miqdordagi pul noma’lum shaxs tomonidan yechib olingan. Bu bo‘yicha fuqaro Kiberxavsizlik markaziga pullarni qaytarishda yordam so‘rab murojaat qilgan.
Olib borilgan tezkor-qidiruv tadbirlari natijasida pullarni o‘zlashtirgan shaxs Qashqadaryo viloyati Yakkabog‘ tumanida yashovchi 10-sinf maktab o‘quvchisi ekanligi aniqlangan. Gumonlanuvchi jabrlanuvchi ayolning qizi bilan sinfdosh ekanligi ma’lum bo‘lgan. Aniqlanishicha, u sinfdosh qizning telefon raqamlariga ulangan bank kartasi ma’lumotlarini undan yashirincha o‘zining mobil telefoniga o‘tkazib, pullarni o‘zlashtirgan.
Holat yuzasidan gumonlanuvchiga nisbatan Jinoyat kodeksining 168-moddasi bilan jinoyat ishi qo‘zg‘atilib, tergov harakatlari olib borilgan.
Eslatib o‘tamiz, Navoiyda fuqaroning bank kartasidagi pullarini noqonuniy o‘zlashtirgan shaxs aniqlangani haqida xabar berilgan edi.
Ozoda Choriyeva
LiveBarchasi
07 noyabr 2023
07 noyabr 2023
07 noyabr 2023