Qashqadaryoda Xalq ta’limi bo‘limining uch mansabdori qamoqqa olindi
3-sahifa
−
15 yanvar 2023 15458
Qashqadaryo viloyatining Dehqonobod tumani Xalq ta’limi bo‘limining uch nafar mansabdoriga nisbatan jinoyat ishi qo‘zg‘atildi. Bu haqda viloyat prokuraturasi xabar berdi.
Dehqonobod tumani Xalq ta’limi bo‘limining 3 nafar mansabdori – bo‘lim mudiri, bosh hisobchi va sobiq bosh hisobchiga Jinoyat kodeksning 167-moddasi (O‘zlashtirish yoki rastrata yo‘li bilan talon-toroj qilish) bilan jinoyat ishi ochildi.
Ularga nisbatan sudning tegishli ajrimi bilan qamoqqa olish tarzidagi ehtiyot chorasi qo‘llanilgan.
Tergov harakatlari viloyat prokuraturasi tomonidan olib borilmoqda. Tergovning borishi alohida nazoratga olingan.
