Qashqadaryoda ag‘anagan Isuzu ichida 2 kishi qolib ketdi
Jamiyat
−
19 iyul 2023 7759
Qashqadaryo viloyatida Isuzu avariyaga uchrashi oqibatida 2 nafar shaxs mashina ichida qolib ketdi. Bu haqda viloyat Favqulodda vaziyatlar boshqarmasi xabar berdi.
Keltirilishicha, voqea bugun, 19 iyul kuni soat taxminan 14:00 atrofida G‘uzor – Samarqand yo‘nalishida A-378 yo‘lining 90-kilometrida sodir bo‘lgan. Isuzu rusumli avtomobil haydovchisi boshqaruvni yo‘qotishi oqibatida yo‘l chetiga ag‘anab, avtomashina saloni ichidagi 2 nafar fuqaro qisilib qolgan.
Viloyatning Ko‘kdala tumani Favqulodda vaziyatlar bo‘limining yong‘in-qutqaruv bo‘linmasi voqea joyiga yetib borib, jabrlangan fuqarolarni atrofdagilar yordamida avtomashinadan olib chiqqan hamda ularga tibbiy yordam ko‘rsatilgan.
Hozirda ularning ahvoli yaxshi ekani aytilmoqda.
Live
Barchasi
