Qashqadaryo hokimiga ikkita yangi o‘rinbosar tayinlandi
Jamiyat
−
17 Oktabr 2022 9407
Avvalroq Qashqadaryo viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari Rustam Yo‘ldoshev va hokimning qurilish bo‘yicha o‘rinbosari Akbar Eshonqulov egallab turgan lavozimidan ozod etilgani haqida xabar bergan edik.
Viloyat hokimi matbuot kotibi Ahror Sodiqov ishdan bo‘shatilgan o‘rinbosarlar o‘rniga yangilari tayinlanganini ma’lum qildi.
Qashqadaryo viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimiga Anvar Eshpo‘latovich Qobilov tayinlandi.
Bungacha u O‘zbekiston Respublikasi Prezidenti Administratsiyasi huzuridagi Iqtisodiy tadqiqotlar va islohotlar markazi Qashqadaryo viloyati filiali rahbari lavozimida ishlab kelayotgan edi.
Viloyat hokimining qurilish bo‘yicha o‘rinbosari lavozimiga Murodulla G‘aniyevich Azizov tayinlandi.
