Qarshida yuk mashinasi yonib ketdi

Bugun, 26 dekabr kuni Qashqadaryo viloyatida yuk mashinasi to‘liq yonib ketdi. Bu haqda viloyat Favqulodda vaziyatlar boshqarmasi xabar bermoqda.

Qayd etilishicha, bugun, 26 dekabr kuni taxminan soat 08:55 larda Qarshi shahar Favqulodda vaziyatlar bo‘limiga Qarshi-G‘uzor avtomobil yo‘lining 6-kilometrida yuk avtomobili yonayotganligi to‘g‘risidagi xabar kelib tushgan.

Xabarga ko‘ra, voqea joyiga Qarshi shahar Favqulodda vaziyatlar bo‘limidan 2 ta bo‘linma soat 09:05 lar atrofida yetib borib, soat taxminan 09:30 larda yong‘inni to‘liq o‘chirgan. Biroq, yong‘in oqibatida yuk avtomobili to‘liq zarar ko‘rgan.

Ma’lum bo‘lishicha, yuk avtomobili Chiroqchi tumani To‘qmor qishlog‘ida yashovchi 1988 yilda tug‘ilgan fuqaro N.S ga tegishli (oq rangli, MAN rusumli) bo‘lgan.

Hodisa oqibatida hech kim tan jarohati olmagan. Hozirda yong‘in sababi va zarari aniqlanmoqda.