Istanbulda uch qavatli bino qulab tushdi. Jabrlanganlar bor
Olam
−
02 iyun
5512Istanbulda Kuchukchekmeje tumanida uch qavatli bino qulab tushdi. Bu haqda "Hürriyet Daily News" xabar berdi.
Istanbul gubernatori Dovut Gulga ko‘ra, vayronalar ostidan yetti kishi qutqarib olingan, ulardan ikki nafarining ahvoli og‘ir. Qutqaruv ishlari hamon davom etmoqda, kamida ikki kishi bino vayronalari ostida qolib ketgan.
Gubernatorning so‘zlariga ko‘ra, bino Kuchukchekmeje tumanidagi Belediye va Gechit ko‘chalari kesishmasida joylashgan. Bino 1988 yilda qurilgan. Uning qulashi sabablari aniqlanmagan.
Uyning qulashi mahalliy vaqt bilan 8:40 atrofida sodir bo‘lgan. Uyning birinchi qavatida ish olib borilgan, yuqori qavatlarda odamlar yashagan.
Eslatib o‘tamiz, oldinroq Samarqand viloyati Pastdarg‘om tumanida kotlovan (xandaq) qazilayotgan paytda qo‘shni uy qulab tushgandi.
LiveBarchasi