Isroilning Rafahga bergan zarbalari oqibatida 25 ga yaqin odam halok bo‘ldi
Olam
−
19 dekabr 2023 2385
Isroil armiyasining G‘azo sektori janubidagi Rafah shahriga bergan zarbalari oqibatida 25 ga yaqin odam halok bo‘ldi. Bu haqda Qatarning “Al Jazeera” telekanali xabar berdi.
“Isroilning G‘azo sektori janubidagi Rafah shahridagi bir nechta uylarga bergan zarbalari oqibatida kamida 25 kishi halok bo‘ldi”, deya falastinlik jurnalist Ismoil Abu Umarning so‘zlaridan iqtibos keltirgan telekanal.
Falastin Sog‘liqni saqlash vazirligi avvalroq G‘azo sektoridagi urush va G‘arbiy Sohilda to‘qnashuvlar kuchayishi oqibatida 19 mingdan ortiq odam halok bo‘lganini ma’lum qilgandi.
Vazirlikka ko‘ra, Isroil hujumlari qurbonlarining 70 foizi ayollar va o‘smirlardir.
Eslatib o‘tamiz, joriy yilning 17 dekabr kuni Isroilning G‘azo sektori shimolidagi Jabaliya qochqinlar lageriga uyushtirgan so‘nggi hujumlarida kamida 90 kishi halok bo‘lib, 100 dan ortiq kishi jarohatlangandi.
Live
Barchasi
