Isroilga AQSHdan zirhli texnikalarning birinchi partiyasi yetib keldi

Isroil armiyasi uchun mo‘ljallangan zirhli texnikalarning birinchi partiyasi AQSHdan yetib keldi. Bu haqda Isroil Mudofaa vazirligi xabar berdi.

"Isroil Mudofaa vazirligi yaqinda Qo‘shma Shtatlarning zirhli transport vositalari ortilgan yuk samolyotini kutib oldi. Mashinalar harbiy harakatlar paytida jarohatlanganlarni almashtirish uchun SAXALga topshirilmoqda" deyiladi bayonotda.

Mudofaa vazirligining qo‘shimcha qilishicha, bu ta’minotlar SAXALning o‘ziga xos ehtiyojlarini qondiradi va ixtisoslashtirilgan transport vositalarining keng spektrini, jumladan, zirhli tez yordam mashinalari, zirhli jangovar mashinalar, taktik yuk mashinalari va muhandislik texnikasini qamrab oladi.

“Isroil Mudofaa vazirligi allaqachon SAXALga yuzlab mashinalarni yetkazib bergan”, deya qo‘shimcha qilgan vazirlik.

Ma’lumot uchun, 7 oktyabr kuni boshlangan Isroil va HAMAS o‘rtasidagi urush 12 kundan beri davom etmoqda. So‘nggi ma’lumotlarga ko‘ra, shu vaqt ichida Isroilda 1,4 ming, G‘azo sektorida 3,7 mingdan ortiq qurbonlar bor.