Исроилга АҚШдан зирҳли техникаларнинг биринчи партияси етиб келди

Исроил армияси учун мўлжалланган зирҳли техникаларнинг биринчи партияси АҚШдан етиб келди. Бу ҳақда Исроил Мудофаа вазирлиги хабар берди.

"Исроил Мудофаа вазирлиги яқинда Қўшма Штатларнинг зирҳли транспорт воситалари ортилган юк самолётини кутиб олди. Машиналар ҳарбий ҳаракатлар пайтида жароҳатланганларни алмаштириш учун ЦАХАЛга топширилмоқда" дейилади баёнотда.

Мудофаа вазирлигининг қўшимча қилишича, бу таъминотлар ЦАХАЛнинг ўзига хос эҳтиёжларини қондиради ва ихтисослаштирилган транспорт воситаларининг кенг спектрини, жумладан, зирҳли тез ёрдам машиналари, зирҳли жанговар машиналар, тактик юк машиналари ва муҳандислик техникасини қамраб олади.

“Исроил Мудофаа вазирлиги аллақачон ЦАХАЛга юзлаб машиналарни етказиб берган”, дея қўшимча қилган вазирлик.

Маълумот учун, 7 октябрь куни бошланган Исроил ва ҲАМАС ўртасидаги уруш 12 кундан бери давом этмоқда. Сўнгги маълумотларга кўра, шу вақт ичида Исроилда 1,4 минг, Ғазо секторида 3,7 мингдан ортиқ қурбонлар бор.