Madrimov WBA reytingining 3-raqamli bokschisi bilan jang qilishi mumkin
Sport
−
11 iyul 2023 6009
Matchroom promouterlik kompaniyasi rahbari Eddi Hirn o‘zbekistonlik professional bokschi Isroil Madrimovning navbatdagi jangini WBA reytingida 3-o‘rinda borayotgan britaniyalik Jeyms Metkalfga qarshi tashkil qilmoqchi. Buni sportchining o‘zi QALAMPIR.UZ'ga tasdiqladi.
Unga ko‘ra, Madrimov navbatdagi jangini super yarim o‘rta vaznda (69,8 kg) WBA reytingida 3-o‘rinda borayotgan britaniyalik Jeyms Metkalfga qarshi o‘tkazishi mumkin. Hozirda mazkur bahs statusini belgilash bo‘yicha WBA'ga taklif yuborilgan bo‘lib, agar u tasdiqlansa kamar uchun bo‘lish ehtimoli ham yuqori.
Ma’lumot uchun, Madrimov professional faoliyati davomida 10 ta jang o‘tkazib, 9 tasida (6 nokuat) g‘alaba qozongan va bittasida texnik durang qayd etilgan. U oxirgi jangini o‘rta vazn toifasida o‘tkazib, Rafael Igbokveni ochkolar bo‘yicha mag‘lub etgan.
Jeyms Metkalf esa bu borada anchagina tajribali hisoblanadi. U 27 ta jang o‘tkazib, 25 tasida (15 nokaut) raqiblarini mag‘lub etgan hamda 2 bor jangni boy bergan. U so‘nggi jangida Denis Hogandan ochkolar bo‘yicha ustun kelgan.
Live
Barchasi
