Isitiş mavsumi: Toşkentliklar sovuqni qanday yengyapti?

Uy sovuq. Radiatorlar muzdek. Aholi isitiş tizimi yoqilişini kutyapti. Taşqarida havo harorati pasaymoqda, ammo markaziy isitiş hali işga tuşmagan. Xöş, aholi şu vaqt içida uyini qanday isitmoqda? Qalampir.uz şu savol bilan Toşkent aholisiga murojaat qildi.

“Köp qavatli uylardan birida turaman. Hali-beri isitiş tizimi yoqilmaydi. Uylarimiz beton, nevaralarimiz bor, qiynalyapmiz. Iloji yöq, xarajat köp bölsa ham, konditsioner va elektr isitgiçlardan foydalanyapmiz”, deydi yoşi katta yölovçilardan biri.
“Ba’zida elektr energiyasi uçun pul topa olmayapmiz. Ammo ilojimiz yöq, uyni isitmasak bölmaydi. Hali-beri isitiş tizimi yoqilmas ekan. Tezroq yoqilsa, yaxşi bölardi”, deya gapini umid bilan yakunladi ayollardan biri.

“Köp qavatli uylarning şunaqa tomoni bor. Hovlida yaşasangiz, gaz yoqib isitiş mumkin. Köp qavatli uyda esa baribir qiyin. Isitiş tizimi yoqilişini kutamiz”, deya sabr qilayotganini bildirdi yana bir ayol. Toşkentda isitiş mavsumini boşlaş uçun ketma-ket beş kun davomida havo harorati +8 darajadan past bölişi kerak.

Elektr isitgiç yoki konditsionerdan foydalaniş aholi uçun elektr energiyasiga qöşimça pul sarflaş degani. Buning ustiga, 2026 yil 1 iyundan elektr energiyasi tariflari ham oşirilgan. Demak, markaziy isitiş yoqilgunça elektr isitgiçlardan foydalanayotgan ayrim oilalarni oy oxirida kattaroq hisob-kitob kutişi mumkin.

Qöşimçasiga, issiq suv va markaziy isitiş xizmatlari narxi ham şu yil noyabr oyidan 30 foizga oşirilişi belgilangan. Ya’ni uylar hali isimagan bölsa-da, issiqlik uçun tölovlar narxi oşib bormoqda.

Xarajatlardan taşqari, buning xavfsizlik jihati ham bor. Elektr isitgiçni qarovsiz qoldiriş, ustini yopiş yoki parda va boşqa yonuvçi buyumlar yaqiniga qöyiş yonğin xavfini oşiradi. Demak, aholi nafaqat uyni isitiş, balki buni xavfsiz va imkon qadar kam xarajat bilan amalga oşiriş haqida ham öylaşga majbur.

Hovlida istiqomat qiladigan aholi esa uylarini gaz qozonlari orqali isitişni allaqaçon boşlagan. Bundan taşqari, tabiiy gaz tariflari ham 2026 yil 1 iyundan yangilangan. Aholi uçun bazaviy me’yor doirasida bir kub metr gaz narxi 1 100 sömni taşkil etadi. Belgilangan me’yordan ortiq iste’mol esa yuqoriroq tariflarda hisoblanadi. Şunday ekan, sovuq kunlarda gaz sarfining ortişi oilalar xarajatlariga ham ta’sir qilişi mumkin.

Batafsil YouTube platformasida tomoşa qilişingiz mumkin.

Muxlisa Xolmatova