“Inter” futbolchisi “Al-Nasr”ga o‘tadi
Sport
−
27 iyun 2023 4176
Saudiya Arabistonining “Al-Nasr” klubi “Inter” yarim himoyachisi Marselo Brozovich o‘z safiga qo‘shib olishga yaqin turibdi. Bu haqda taniqli insayder Fabritsio Romano ma’lum qildi.
Qayd etilishicha, Italiya klubi “Al-Nasr” 30 yoshli futbolchi borasida muzokaralarni yakunlagan. Unga ko‘ra, “Inter” Brozovichni 23 million yevroga sotishga rozilik bergan.
Yarim himoyachi yangi jamoada 3 yilga mo‘ljallangan shartnoma asosida yiliga 20 million yevro maosh oladi.
Ma’lumot uchun, xorvatiyalik futbolchi 2022/2023 yilgi mavsumda milanliklar tarkibida 40 ta o‘yinda qatnashib, 3 ta gol va 6 ta assist qayd etdi.
