Instagram ilovasiga yangiliklar kiritildi
Texnologiya
−
13 noyabr 2020
6090Facebook kompaniyasiga tegishli Instagram ijtimoiy tarmog‘i kecha, 12 noyabr kuni dastur interfeysiga o‘zgartirish kiritilganini e’lon qildi. Tegishli bayonot Facebook saytida ma’lum qilingan.
Qayd etilishicha, mobil ilovada ikkita yangi bo‘lim – Shop (do‘kon) va Reels (roliklar) paydo bo‘lgan.
"Bugun biz Instagram'dagi katta o‘zgarishlar haqida ma’lum qilamiz – Reels va Shop. Reels yorlig‘i sizga butun dunyo ijodkorlari va o‘zingiz kabi odamlarning qisqa videolarini ko‘rish imkoniyatini beradi. Shop yorlig‘i turli brendlar va sotuvchilar bilan aloqa qilishning yaxshi usuli bo‘ladi, shuningdek, u sizga yoqadigan mahsulotlarni topishga imkon beradi", deyilgan xabarda.
Bayonotga ko‘ra, Reels tugmachasi odamlar o‘z ijodlarini butun dunyo bilan baham ko‘rishlari va o‘zlarining muxlislarini topishlari uchun imkoniyat yaratadigan sahnaga aylanishi kerak.
Shop tugmachasi esa Instagram'da xarid qilish va kichik biznesni qo‘llab-quvvatlash imkonini beradi.
Ma’lumot uchun, Shop va Reels ilovaning asosiy ekranida paydo bo‘ladi.
LiveBarchasi
07 noyabr 2023
07 noyabr 2023
07 noyabr 2023