Imomali Rahmon qo‘shni mamlakatdagi tahdidlardan xavfda

Olam 7483
image

Tojikiston Prezidenti Imomali Rahmon Afg‘onistondagi narkotik moddalar kontrabandasi tufayli Shanxay hamkorlik tashkilotining giyohvandlikka qarshi tuzilmasini yaratish g‘oyasini amalga oshirish haqida o‘ylashni taklif qildi. U bu haqda bugun, 16 sentyabr kuni Samarqandda bo‘lib o‘tgan SHHT Davlat rahbarlari kengashining kengaytirilgan yig‘ilishida.

“SHHTning giyohvandlikka qarshi alohida tuzilmasini yaratish g‘oyasini amalga oshirish vaqti keldi”, deydi u.

Rahmon Afg‘onistonda narkotik moddalar ishlab chiqarish va ularning kontrabandasi dolzarb muammo bo‘lib qolayotganini ta’kidladi.  

“Biz vakolatli idoralarimiz tomonidan qo‘shni davlatdan giyohvand moddalarni musodara qilish hajmi keskin oshganini qayd etmoqdamiz”, deydi Tojikiston Prezidenti. 

Inklyuziv siyosiy tuzilma

Prezidentning alohida urg‘ulashicha, Dushanbe barcha etnik va diniy guruhlar ishtirokida inklyuziv siyosiy tuzilmani shakllantirishni Afg‘onistonda tinchlikka erishishning asosiy omili deb biladi. 

“Biz ishonamizki, bugungi voqelikda Afg‘onistonda tinchlik, barqarorlik va milliy kelishuvga erishishning asosiy omili – bu mamlakatdagi barcha etnik va siyosiy guruhlar ishtirokida chinakam qamrab oluvchi siyosiy boshqaruv tuzilmasini shakllantirishdir”, deydi u.  

Proaktiv harakat 

SHHT davlatlari xalqaro terroristik guruhlar o‘z pozitsiyalarini mustahkamlashda davom etayotgan Afg‘onistondagi vaziyatni diqqat bilan kuzatishi, mintaqa xavfsizligiga xavf tug‘dirayotganini hisobga olib, birgalikda faol harakat qilishi kerak. 

“Biz Afg‘oniston hududida turli xalqaro terroristik guruhlarning to‘planishini kuzatishda davom etmoqdamiz. Bu kuchlar mamlakat ichida o‘z mavqeini mustahkamlab, bu orqali SHHT mintaqasi xavfsizligiga bevosita salbiy ta’sir ko‘rsatuvchi o‘ta xavfli diniy radikalizm va ekstremizm mafkurasini o‘rnatish uchun tramplin yaratmoqda. SHHT davlatlari vaziyatni kuzatib borishi va xavfsizlikka tahdidlarning kuchayishi ehtimolini hisobga olgan holda, birgalikda faol harakat qilishi kerak”, deydi Rahmon.

Markaziy Osiyo davlatlari orasida Tojikiston Afg‘oniston bilan eng uzun chegaraga ega – 1344 km, uning katta qismi Pyanj daryosi bo‘ylab, yana bir qismi tog‘li yerlar bo‘ylab o‘tadi. Dushanbe bir necha bor Afg‘onistondagi vaziyat va u bilan bog‘liq xavflardan xavotir bildirgan. 

Qalampir.uz Tahririyati
Maqolaga baho bering
Baholaganlar: 160
Reyting: 3
t
×