IIVda 4 boshqarma boshlig‘i o‘zgardi

north_east

Po‘lat Bobojonovning o‘rinbosalaridan biri ishdan olindi

O‘zbekiston Respublikasi Ichki ishlar vazirligi markaziy apparatida qator tayinlovlar amalga oshirildi. Bu haqda vazirlik Matbuot xizmati xabar berdi.

Quyidagilar rahbarlik lavozimlariga tayinlandi:

General-mayor Azizbek Isroilovich Ikramov – Ichki ishlar vazirining jamoat tartibini saqlash bo‘yicha o‘rinbosari lavozimiga;

Polkovnik Ayubxon Toshxo‘jayevich Rahmatullayev – Ichki ishlar vazirining o‘rinbosari moliya va moddiy texnika ta’minoti bosh boshqarmasi boshlig‘i lavozimiga;

Polkovnik Bekmurod Tojimirzayevich Abdullayev – Patrul-post xizmati va jamoat tartibini saqlash bosh boshqarmasi boshlig‘i lavozimiga;

Polkovnik Olim Chorikulovich Saidov – Yo‘l harakati xavfsizligi bosh boshqarmasi boshlig‘i lavozimiga;

Polkovnik Ulug‘bek Toshpo‘latovich Muhamedov – Migratsiya va fuqarolikni rasmiylashtirish bosh boshqarmasi boshlig‘i lavozimiga.

Avvalroq, IIVning hududiy tuzilmasida tayinlovlar bo‘lgani haqida xabar bergan edik.