Guterrish Afg‘oniston masalasida jahon hamjamiyatiga murojaat qildi 

Jahon hamjamiyati davlatlari Afg‘onistonga to‘liq iqtisodiy tanazzulga yo‘l qo‘ymaslikda yordam berish uchun birgalikda harakat qilishlari kerak. Birlashgan Millatlar Tashkiloti Bosh kotibi Antoniu Guterrish shunday chaqiriq bilan chiqdi.  

“Biz afg‘on iqtisodiyotining to‘liq tanazzulga uchrashiga yo‘l qo‘ymaslik yo‘lini topishimiz kerak. Biz (Respublika) iqtisodiyoti yana nafas olishi va odamlarning omon qolishiga yordam berish uchun birgalikda harakat qilishimiz kerak”, degan u Afg‘onistonga qo‘shni davlatlar vazirlar yig‘ilishidagi chiqishida. 

Jahon tashkiloti rahbari Afg‘oniston iqtisodiyotini saqlab qolish uchun uning likvidligini oshirish zarurligini qo‘shimcha qilgan. U buni xalqaro qonunlarni va prinsiplarni buzmasdan amalga oshirish mumkinligiga ishonch bildirgan.

Mamlakatda hokimiyatni qo‘lga olgan “Tolibon” harakati hozirda ko‘rayotgan chora-tadbirlarga qaramay, Afg‘onistondagi iqtisodiy vaziyat o‘ta og‘irligicha qolmoqda. Bu, asosan, toliblar davlat zaxiralarining atigi 0,1 foizidan (9,4 milliard dollardan) foydalanish imkoniyatiga ega ekanligi bilan bog‘liq, chunki ularning katta qismi Amerika Qo‘shma Shtatlari tomonidan muzlatilgan. 

Eslatib o‘tamiz, kecha, 27 oktyabr kuni Afg‘onistonga qo‘shni davlatlarning vakillari Tehronda muzokara o‘tkazgandi.