Gruziyalik “Maradona” uzoq muddat Neapolda qoladigan bo‘lmoqda
Sport
−
21 noyabr 2023
2026Gruziyalik futbolchi Xvicha Kvaratsxeliya Italiyaning “Napoli” bilan shartnomasini 2028 yilgacha uzaytirishga yaqin turibdi. Bu haqda futbol jurnalisti Nikola Skira o‘z X sahifasida ma’lum qildi.
Yangi shartnomaga ko‘ra, Neapol klubida Gruziya terma jamoasining 22 yoshli vingerining maoshi bir mavsumda 4 million yevroni tashkil qiladi.
Shartnoma 2029 yilgacha uzaytirish variantini o‘z ichiga olishi mumkin.
Xvichaning “Napoli” bilan amaldagi shartnomasi 2027 yilning iyunigacha mo‘ljallangan.
Joriy mavsum futbolchi A Seriyada 11 ta o‘yinda maydonga tushib, 3 ta gol urdi va 4 ta golli uzatmani amalga oshirdi. Uning transfer narxi 85 million yevroni tashkil etadi.
LiveBarchasi