Грузиялик “Марадона” узоқ муддат Неаполда қоладиган бўлмоқда
Спорт
−
21 Ноябрь 2023 2491
Грузиялик футболчи Хвича Кварацхелия Италиянинг “Наполи” билан шартномасини 2028 йилгача узайтиришга яқин турибди. Бу ҳақда футбол журналисти Никола Скира ўз Х саҳифасида маълум қилди.
Янги шартномага кўра, Неапол клубида Грузия терма жамоасининг 22 ёшли вингерининг маоши бир мавсумда 4 миллион еврони ташкил қилади.
Шартнома 2029 йилгача узайтириш вариантини ўз ичига олиши мумкин.
Хвичанинг “Наполи” билан амалдаги шартномаси 2027 йилнинг июнигача мўлжалланган.
Жорий мавсум футболчи А Серияда 11 та ўйинда майдонга тушиб, 3 та гол урди ва 4 та голли узатмани амалга оширди. Унинг трансфер нархи 85 миллион еврони ташкил этади.
Live
Барчаси
