Mixail Gorbachyov: Davlatni qulatishga qaratilgan chiziq ustun keldi

SSSRning  so‘nggi rahbari Mixail Gorbachyov SSSR yaxlitligini saqlanib qolishiga ishongani va u buni qanday amalga oshirgani haqida hikoya qiladi. Bu haqda RIA Novosti xabar bermoqda.

"Respublikalarning siyosiy suvereniteti, iqtisodiy mustaqilligi, o‘ziga xosligini saqlab qolish, madaniyatini rivojlantirish, Ittifoqni yangilash, uni demokratik, real, samarali federatsiyaga aylantirish, respublikalarning o‘z vakolatlarining bir qismini berishga ishonchim komil edi", deb eslaydi u "Qat’iy xavf ostida: kutilayotgan global tinchlik kelajagi" kitobida.

Gorbachyov bu yo‘ldagi hal qiluvchi qadam yangi Ittifoq shartnomasi bo‘lishi kerakligini ta’kidlab, 1991 yilning avgust oyida imzolangan  to‘ntarishini bostirgani va u oxirigacha mamlakat birligi uchun kurashganini ta’kidlaydi.

"SSSR tarkibidagi eng yirik respublika — Rossiya, Boris Yelsin boshchiligidagi parchalanish yo‘lini bosib o‘tdi... Davlatni qulatishga qaratilgan chiziq ustun keldi", deydi sobiq Sovet Ittifoqi rahbari.

"Tez orada o‘n millionlab odamlar buning og‘ir oqibatlarini his qildi", deya qo‘shimcha qiladi u. "Barcha so‘rovlar natijalariga ko‘ra, ruslarning aksariyati Sovet Ittifoqi parchalanganidan afsusda ekanini va 90-yillar ularning hayotidagi eng qiyin davr deb hisoblashi hech kimni ajablantirmasa kerak", deb xulosa qiladi siyosatchi.

Aslida, Sovet Ittifoqi 1991 yil 26 dekabrda Gorbachev sovet xalqiga murojaatida, o‘zining Prezidentlik faoliyatini yakunlaganini e’lon qilganida qulagandi. Bunga qadar o‘sha yilning  8 dekabr kuni Rossiya, Belarus va Ukraina rahbarlari tomonidan SSSRning mavjudligini bekor qilgan va Mustaqil Davlatlar Hamdo‘stligi yaratilganini o‘zida mujassamlashtirgan kelishuv imzolangandi. Bu harakat tarixga Belovejsk shartnomasi sifatida kirdi.

Avvalroq, SSSRning sobiq Prezidenti Mixail Gorbachyov NATOni kengaytirish qarorini G‘arbning eng katta strategik xatosi deb bilishini aytgandi.