Germaniyada lokdaun martgacha uzaytirildi
Olam
−
11 fevral 2021 2809
Germaniyada joriy yilning fevral oyi o‘rtalariga qadar amalda bo‘lishi kerak bo‘lgan lokdaun 7 martgacha uzaytirildi. Bu haqda mamlakat kansleri Angela Merkel ma’lum qildi.
Cheklovlar 2020 yil noyabr oyi oxiridan buyon amalda bo‘lib kelmoqda.
Mamlakatda oziq-ovqat do‘konlaridan tashqari barcha do‘konlar, sport klublari va go‘zallik salonlari, suzish havzalari, muzey va teatrlar, restoran va barlar yopilgan.
Maktab o‘quvchilari uy sharoitida o‘qitishga o‘tkazilgan. Endi maktablarni birin-ketin ochish yo‘lga qo‘yilishi kutilmoqda.
Shuningdek, 1 martdan sartaroshxonalar ishlashiga ruxsat berilishi mumkin.
Live
Barchasi
