G‘azoga yana ikki partiya insonparvarlik yordami yetkazildi

Isroil va Misr o‘rtasidagi kelishuvga muvofiq, G‘azo sektoriga gumanitar yuk yuklangan yana ikki karvon yetib bordi. Bu haqda ABC News xabar berdi.

Unga ko‘ra, Misrdan G‘azo sektoriga gumanitar yordam ortilgan 15 ta yuk mashinasi o‘tkazilgan. Bu haqda Falastin Qizil Yarim Oy jamiyati ma’lum qilgan. Insonparvarlik yordami doirasida qamaldagi G‘azoga suv, oziq-ovqat va tibbiy vositalar yetkazilgan.

Bundan tashqari, Misr xavfsizlik kuchlari bir necha soat avval yana 17 ta yuk mashinasi Misr va G‘azo sektori o‘rtasidagi chegara nazorat punktidan o‘tganini ma’lum qildi.

Nashr Misr faqatgina Isroilning roziligini olibgina G‘azoga gumanitar yordam jo‘nata olishini qo‘shimcha qilgan. Isroilning eng yaqin nazorat-o‘tkazish punktida tekshirilganidan so‘ng, bu yuklar G‘azo sektoriga kiritiladi.

Eslatib o‘tamiz, 21 oktyabr kuni 20 ta yuk mashinasidan iborat gumanitar karvon Rafah nazorat punkti orqali G‘azo sektoriga jo‘nab ketgani haqida xabar berilgan edi.