Futzal: Bugun O‘zbekiston Osiyo kubogidagi yurishini boshlaydi

Sport

−

17 aprel 2024 visibility3662 timer1 daqiqa

Bugun, 17 aprel kuni Tailandda futzal bo‘yicha Osiyo kubogi bahslari start oladi. Ispaniyalik mashhur mutaxassis Xose Venansio Lopes murabbiyligidagi O‘zbekiston terma jamoasi dastlabki turda Avstraliya bilan kuch sinashadi.

“B” guruhidan o‘rin olgan mazkur uchrashuvda O‘zbekiston vakillari oq libosda, kengurular yurti futzalchilari esa sariq rangli liboslarda harakatlanadi. Guruhning ikkinchi o‘yinida Iroq Saudiya Arabistoni bilan to‘qnash keladi.

Ma’lumot uchun, O‘zbekiston-Avstraliya o‘yini Toshkent vaqti bilan soat 14:00 da start oladi.

Qayd etish joiz, mazkur turnirda yarim finalga qadar yetib borgan to‘rtta jamoa shu yili O‘zbekistonda o‘tkaziladigan Jahon kubogiga yo‘llanmani qo‘lga kiritadi. O‘zbekiston mundial mezboni bo‘lgani uchun qit’a birinchiligida qanday natija qayd etishidan qat’i nazar Jahon kubogida ishtirok etadi.

Maqola muallifi