Futbol. O‘zbekiston Indoneziyani mag‘lub etib, keyingi bosqichga chiqdi

Xitoyning Xanchjou shahri mezbonligida XIX yozgi Osiyo o‘yinlari bo‘lib o‘tmoqda. Bugun, 28 sentyabr kuni musobaqaning futbol dasturi doirasida O‘zbekiston Olimpiya terma jamoasi Indoneziya vakillariga qarshi 1/8 final uchrashuvida maydonga tushdi. 

Uchrashuvning asosiy taymlarida hisob ochilmadi. Qo‘shimcha bo‘limlarning boshi (92-daqiqa)da esa o‘zbekistonlik futbolchi Sherzod Esonov hisobni ochdi. Shuningdek, qo‘shib berilgan daqiqalardan unumli foydalangan Esonov 120+3-daqiqada ham raqib darvozasini ishg‘ol qilib, dubl qayd etdi.

Shu tariqa O‘zbekiston Olimpiya terma jamoasi 2:0 hisobdagi g‘alaba bilan keyingi bosqichga yo‘l oldi. 

Eslatib o‘tamiz, O‘zbekiston termasi Osiyo o‘yinlaridagi dastlabki ikki o‘yinini Gonkong futbolchilariga qarshi o‘tkazib, uchrashuvlarning har ikkalasida g‘alabaga erishgandi. Birinchi o‘yinda 1:0, ikkinchisida esa 2:1 ko‘rinishidagi natija qayd etilgan edi.