Fransiyada vazirga vabo virusi bo‘lgan xat yuborildi
Olam
−
29 iyul 6421
Fransiya Ichki ishlar vaziri Jerald Darmaninga tarkibida qora kukun bo‘lgan maktub yuborilgan bo‘lib, unda dastlabki sinovlar vabo tayoqchasining izlarini aniqlagan. Bu haqda kecha, 28 iyul kuni Dijon shahri prokuroriga tayanib, “Francetvinfo” teleradiokompaniyasi xabar berdi.
Posilka Fransiya sharqidagi Kot-d’Or departamentidagi pochta saralash markazida topilgan.
Jo‘natmaning tarkibi keyingi tahlil qilish uchun Parijdagi Paster institutiga yuborildi, natijalar 29 iyul kuni kechqurun tayyor bo‘lishi kutilmoqda.
Shu bilan birga, Kot-d’Or prefekturasi bu “noto‘g‘ri ijobiy natija” bo‘lishi mumkinligini ta’kidladi.
“Fransiya vaziriga yo‘llangan maktubda irqiy haqoratlar bor”, deb yozadi “France 3” telekanali.
Dijon jinoiy otryadi ishni tergov qilmoqda.
Jahon sog‘liqni saqlash tashkilotiga ko‘ra, vabo “juda jiddiy kasallik” bo‘lib, agar davolanmasa, 30-100% ehtimollik bilan o‘limga olib keladi.
Live
Barchasi
