“Formula-1”. Ferstappen AQSHdagi Gran-prida g‘olib bo‘ldi

Kecha, 19 oktyabr sanasida “Formula-1” bo‘yicha bo‘lib o‘tgan AQSH Gran-prisini “Red Bull” jamoasi vakili Maks Ferstappen poul-pozitsiyadan boshlab, ishonchli g‘alaba qozondi. Niderlandiyalik sportchi o‘tgan haftada o‘tkazilgan sprint poygasida ham g‘olib bo‘lgan edi.

Ikkinchi o‘rin uchun keskin kurash “Maklaren” haydovchisi Lando Norris va “Ferrari” vakili Sharl Lekler o‘rtasida kechdi. Norris raqibini ikki marta ortda qoldirib, marra chizig‘iga ikkinchi bo‘lib yetib keldi.

Mavsum yetakchisi Oskar Piastri esa poygani beshinchi pog‘onada yakunladi.

Poyga natijalari (AQSH Gran-prisi):

1. Maks Ferstappen (Red Bull) – 56 aylanma
2. Lando Norris (Maklaren) +7,959
3. Sharl Lekler (Ferrari) +15,373
4. Lyuis Xemilton (Ferrari) +28,536
5. Oskar Piastri (Maklaren) +29,678
6. Jorj Rassell (Mersedes) +33,456
7. Yuki Sunoda (Red Bull) +52,714
8. Niko Xyulkenberg (Zauber) +57,249
9. Oliver Bermen (Xaas) +1:04,722
10. Fernando Alonso (Aston Martin) +1:10,001

Mazkur natija bilan Maks Ferstappen mavsumdagi navbatdagi g‘alabasini qo‘lga kiritdi va chempionlik yo‘lidagi yetakchiligini yanada mustahkamladi.

Ma’lumot uchun, “Formula-1” mavsumidagi navbatdagi bosqich – Meksika Gran-prisi 27 oktyabr kuni Mexiko shahrida bo‘lib o‘tadi. Poygada chempionatning hal qiluvchi ochkolari uchun keskin kurash davom etishi kutilmoqda.

Jahongir Inomjonov