FIFA Qatar mundialida ishtirok etadigan davlatlarga xat yubordi
Sport
−
04 noyabr 2022 4222
FIFA prezidenti Janni Infantino futbol bo‘yicha Jahon chempionatining barcha 32 ishtirokchisiga xat yo‘lladi. Bu haqda "Sky News" nashri xabar berdi.
Qayd etilishicha, FIFA xatda 32 ta mamlakat futbol federatsiyalaridan har bir g‘oyaviy va siyosiy kurashga aralashmaslik, bor e’tiborni futbolga qaratishni so‘ragan.
Ma’lumot uchun, Jahon chempionatiga tayyorgarlik jarayonida Qatar mamlakati turnir inshootlari qurilishidagi ishchilar bilan bog‘liq muammolarga duch kelgan, jumladan Qatar stadionlar qurilishiga mehnat muhojirlarini yollagani va ularga kam maosh to‘lagani uchun tanqidga uchragandi.
Eslatib o‘tamiz, mundial bahslari joriy yilning 20 noyabr kuni start oladi.
Live
Barchasi
