Fayzullayev Olimpiadada qatnashishi bilan bog‘liq savolga javob berdi

Moskvaning SSKA klubi yarim himoyachisi Abbosbek Fayzullayev O‘zbekiston terma jamoasi tarkibida 2024 yilda Parijda bo‘lib o‘tadigan Olimpiya o‘yinlariga borishni rejalashtirmoqda. Bu haqda Fayzullayev “Match TV” telekanaliga bergan intervyusida aytib o‘tdi. 

May oyida O‘zbekiston terma jamoasi U-23 Osiyo kubogi finaliga chiqdi va ilk bor Olimpiadada qatnashish imkoniyatini qo‘lga kiritdi.

“Vladimir Fedotov bilan Olimpiadada qatnashishim borasida hali gaplashmadik. Olimpiada sportchilar uchun juda katta turnir bo‘lib, bu ularning hayotida yagona bo‘lishi mumkin. Tarixda birinchi marta Olimpiya o‘yinlarida ishtirok etish imkoniyatiga ega ekanligimdan xursandman. O‘tgan safar men ketganimda federatsiya va klub o‘rtasida aloqa va kelishuv bor edi. Agar klub meni bahorda yoshlar o‘rtasidagi Osiyo kubogiga qo‘yib yubormaganida, bu yerda xotirjam o‘ynab, jamoaga yordam bergan bo‘lardim”, deydi Fayzullayev.

Ma’lumot uchun, 2024 yilgi Olimpiada Parijda 26 iyuldan 11 avgustgacha bo‘lib o‘tadi. O‘zbekiston Olimpiya terma jamoasi turnirdagi dastlabki o‘yinini Ispaniyaga qarshi o‘tkazadi.