Farg‘onadagi portlashda bir kishi halok bo‘ldi (video)
3-sahifa
−
17 dekabr 14344
Bugun, 17 dekabr kuni soat 13:43 da Farg‘ona viloyatining Farg‘ona shahrida joylashgan avtomobillarga yonilg‘i quyish shoxobchasidagi portlashda 1 fuqaro halok bo‘ldi. Bu haqda viloyat Favqulodda vaziyatlar boshqarmasi xabar berdi.
Qayd etilishicha, portlash shaharning “Yangi yo‘l” MFY Ahmad Yassaviy ko‘chasida joylashgan ko‘p yoqilg‘ili AYOQSH va AGQSH shoxobchasida suyultirilgan gaz to‘kish vaqtida texnologik jarayonlarning buzilishi hamda texnika xavfsizligi qoidalariga rioya qilinmasligi oqibatida ro‘y bergan. Shu tufayli chaqnash sodir bo‘lgan, undan so‘ng yong‘in yuzaga kelgan.
Voqea joyiga yong‘in-qutqaruvchilar soat 13:47 da yetib borib, soat 14:02 da alanga o‘rab olingan. Yong‘in 14:12 da batamom o‘chirilgan.
Yong‘in oqibatida 1 fuqaro vafot etgan, 4 fuqaro tan jarohati olgan. Yana 8 fuqaro tibbiyot xodimlari nazoratida.
Live
Barchasi
