Falastin Prezidenti Xitoyga boradi

Falastin rahbari Mahmud Abbos Xitoyga tashrif buyuradi. Bu haqda bugun, 9 iyun kuni Xitoy Tashqi ishlar vazirligi rasmiy vakili Xua Chunin ma’lum qildi.

Aytilishicha, Mahmud Abbosning Pekinga tashrifi 13-16 iyun kunlariga mo‘ljallangan va Xitoy rahbari Si Szinpin taklifiga binoan tashkil etilgan.

Abbosning tashrifi haqida qo‘shimcha ma’lumot berilmagan.

Ma’lumot uchun, Xitoy-Falastin munosabatlari Sovuq urushning dastlabki yillaridan boshlangan uzoq muddatli ikki tomonlama aloqalarni o‘z ichiga oladi. Mao Szedun davrida Xitoyning tashqi siyosati Uchinchi jahon milliy ozodlik harakatlarini qo‘llab-quvvatlashdan iborat bo‘lgan. Maodan keyingi davrda Xitoy xalqaro forumlarda Falastin Ozodlik Tashkilotini qo‘llab-quvvatlashda davom etgan. Xitoy 1988 yilda Falastin davlatini tan olgan. 1992 yildan beri Xitoy Isroil bilan ham rasmiy diplomatik aloqalarni o‘rnatgan va shu vaqtdan beri ikkala davlat bilan ham samimiy munosabatlarni saqlab kelmoqda.

Falastin yetakchilari Yasir Arofat va Mahmud Abbos rasmiy maqomda Xitoyga tashrif buyurgan va ikki davlat o‘rtasidagi munosabatlar samimiy, deb baholangan. Xitoy G‘azo sektorida hukmronlik qilayotgan HAMASni terrorchi tashkilot deb hisoblamaydi va 1967 yildagi chegaralar asosida Sharqiy Quddus poytaxti bo‘lgan “suveren va mustaqil Falastin davlati” tashkil etilishini rasman qo‘llab-quvvatlaydi.