Erondan Isroilga “syurpriz”: yuzdan ortiq qanotli raketalar tayyorlandi
Olam
−
13 aprel 17969
Eron Isroilga ehtimoliy hujum uchun yuzdan ortiq qanotli raketalar ishlab chiqardi. Bu haqda "ABC News" telekanali xabar berdi.
“AQSH rasmiylari Eron Isroilga zarba berishga tayyorlanayotgani alomatlarini ko‘rishda davom etmoqda. AQSHning uch rasmiysiga ko‘ra, Eron ehtimoliy zarba berish uchun ko‘p sonli raketalarini tayyorlagan. Ayni paytda Tehron Isroilga "sovg‘a" uchun yuzdan ortiq qanotli raketalar ishlab chiqargan”, deyiladi telekanal xabarida.
Rasmiylardan biri esa Eron "qasos olish uchun allaqachon ko‘p sonli harbiy dronlarini shaylagani"ni qo‘shimcha qilgan.
Eslatib o‘tamiz, oldinroq Bayden Eronni Isroilga hujum qilmaslikka chaqirgandi. Tehron esa Vashingtonni Isroil va Eron o‘rtasidagi mojaroga “burun suqishi" oqibatlaridan ogohlantirdi.
Live
Barchasi
