Eron sport vaziri vertolyotda halokatga uchradi
Sport
−
23 fevral 2023 6683
Eron sport vaziri Sayid Hamid Sajjodiy Hazavani olib ketayotgan vertolyot 23 fevral kuni mamlakat janubidagi Baft shahriga qo‘nayotganda halokatga uchradi. Bu haqda IRNA agentligi xabar berdi.
Manbaga ko‘ra, vertolyot qo‘nish vaqtida boshqaruvni yo‘qotgan. Vazirning ahvoli yaxshi, boshqa yo‘lovchilar yengil tan jarohatlari bilan shifoxonaga yotkizilgan. Vertolyotda jami 12 nafar yo‘lovchi bo‘lgani aytilmoqda.
“Voqea guvohlari, vazirning holati qoniqarli ekanini, bir yoki ikki yo‘lovchi og‘irroq jarohat olganini ma’lum qildi”, deyiladi agentlik xabarida.
Qayd etilishicha, keyinroq Eron sport vaziri miyasiga qon quyilishi tashxisi bilan Kermon shahridagi shifoxonaga olib borilgan.
Live
Barchasi
