Eng qimmat futbolchilar reytingi yangilandi

Bozor narxlarining oraliq yangilanishlari sababli dunyoning eng qimmat futbolchilari reytingi yangilandi.

Unga ko‘ra, 1-o‘rinni 180 million yevroga baholangan “Real Madrid” klubining angliyalik yarim himoyachisi Jud Bellingem egalladi. 2-o‘rinda “Manchester Siti”ning norvegiyalik hujumchisi Erling Xoland, 3-pog‘onada PSJ a’zosi Kilian Mbappe qayd etildi.

E’tiborlisi, Mbappe va Xolandning transfer narxi ham 180 million yevroga baholangan, biroq ularning yoshi Bellingemdan kattaroq bo‘lgani uchun ikki va uchinchi pog‘onalarda ko‘rsatildi.

Dunyoning eng qimmat 10 nafar futbolchisi:

Jud Bellingem (“Real Madrid”, 180 million yevro);
Erling Xoland (“Manchester Siti”, 180 million yevro);
Kilian Mbappe (PSJ, 180 million yevro);
Vinisius Junior (“Real Madrid”, 150 million yevro);
Bukayo Saka (“Arsenal”, 120 million yevro);
Jamol Musiala (“Bavariya”, 110 million yevro);
Filipp Foden (“Manchester Siti”, 110 million yevro);
Viktor Osimxen (“Napoli”, 110 million yevro);
Deklan Rays (“Arsenal”, 110 million yevro);
Lautaro Martines (“Inter”, 110 million yevro).

Futbolchilarning transfer narxlari yangilanganidan so‘ng, “Bavariya”ning angliyalik hujumchisi Xarri Keyn kuchli o‘ntalikni tark etdi, uning o‘rniga “Inter” hujumchisi Lautaro Martines joy oldi. Bundan tashqari, Viktor Osimxen yangilanishdan so‘ng Fil Foden va Jamol Musialadan ortda qoldi.