Энг қиммат футболчилар рейтинги янгиланди

Бозор нархларининг оралиқ янгиланишлари сабабли дунёнинг энг қиммат футболчилари рейтинги янгиланди.

Унга кўра, 1-ўринни 180 миллион еврога баҳоланган “Реал Мадрид” клубининг англиялик ярим ҳимоячиси Жуд Беллингем эгаллади. 2-ўринда “Манчестер Сити”нинг норвегиялик ҳужумчиси Эрлинг Холанд, 3-поғонада ПСЖ аъзоси Килиан Мбаппе қайд этилди.

Эътиборлиси, Мбаппе ва Холанднинг трансфер нархи ҳам 180 миллион еврога баҳоланган, бироқ уларнинг ёши Беллингемдан каттароқ бўлгани учун икки ва учинчи поғоналарда кўрсатилди.

Дунёнинг энг қиммат 10 нафар футболчиси:

Жуд Беллингем (“Реал Мадрид”, 180 миллион евро);
Эрлинг Холанд (“Манчестер Сити”, 180 миллион евро);
Килиан Мбаппе (ПСЖ, 180 миллион евро);
Винисиус Жуниор (“Реал Мадрид”, 150 миллион евро);
Букайо Сака (“Арсенал”, 120 миллион евро);
Жамол Мусиала (“Бавария”, 110 миллион евро);
Филипп Фоден (“Манчестер Сити”, 110 миллион евро);
Виктор Осимхен (“Наполи”, 110 миллион евро);
Деклан Райс (“Арсенал”, 110 миллион евро);
Лаутаро Мартинес (“Интер”, 110 миллион евро).

Футболчиларнинг трансфер нархлари янгиланганидан сўнг, “Бавария”нинг англиялик ҳужумчиси Харри Кейн кучли ўнталикни тарк этди, унинг ўрнига “Интер” ҳужумчиси Лаутаро Мартинес жой олди. Бундан ташқари, Виктор Осимхен янгиланишдан сўнг Фил Фоден ва Жамол Мусиаладан ортда қолди.