Endi xorijga chiqishga taqiqni telefondan tekshirish mumkin
Jamiyat
−
31 dekabr 2021 30735
Endi o‘zbekistonliklar xorijga chiqishga taqiqni telefon orqali bilib olishlari mumkin. Bu haqda Davlat xizmatlari agentligi (DXA) matbuot xizmati xabar bermoqda.
Ta’kidlanishicha, besh turdagi davlat xizmatidan mobil aloqa orqali USSD so‘rovi yordamida foydalanish imkoniyati yaratilgan.
Quyidagi xizmatlardan bir telefon tugmasi orqali foydalanish mumkin:
• bog‘chaga navbat;
• ijro hujjati bo‘yicha qarz;
• kadastr ob’ektiga taqiq;
• xorijga chiqish taqiqi;
• tadbirkorlar ma’lumoti.
Bu ma’lumotlarini avtomatik tarzda, navbatsiz va arizasiz olish mumkin. Buning uchun telefon orqali *1148# USSD so‘rovini yuborish va menyudan kerakli xizmat turini tanlash kifoya. So‘rov narxi 49 so‘mni tashkil etadi.
Xizmat hozirda sinov tariqasida yo‘lga qo‘yilgan. Xizmatlar soni bosqichma-bosqich oshirib boriladi.
Live
Barchasi
