Dibalaga Ispaniyaning grand klubi qiziqish bildirmoqda

Sport

−

24 iyun 2022 visibility3609 timer1 daqiqa

Italiyaning “Yuventus” klubini tark etgan hujumchi Paulo Dibala Ispaniyaning “Real Madrid” jamoasi qiziqishlari doirasiga tushdi. Bu haqda “Tuttosport” nashri xabar berdi.

Manbaga ko‘ra, Madrid klubi yarim himoyachi Marko Asensio jamoani tark etsa, “los blankos” rahbariyati 28 yoshli argentinalik futbolchiga taklif bilan chiqadi.

26 yoshli Asensio Angliyaning “Liverpul” jamoasiga ko‘chib o‘tishga yaqin turibdi. Yarim himoyachining “Real” bilan shartnomasi 2023 yilning iyunigacha amal qiladi.

Ma’lumot o‘rnida, Dibala shu yilning 30 iyun kuni erkin agentga aylanadi. “Real”ning qiziqishidan oldin, Dibalaga asosiy da’vogar sifatida Milanning “Inter” klubi ko‘rilayotgan edi.

Ma’ruf Abdumalikov

Maqola muallifi