Chilidagi o‘rmon yong‘inlari qurbonlari soni yuzga yaqinlashdi
Olam
−
05 fevral 1438
Chilidagi o‘rmon yong‘inlari oqibatida kamida 99 kishi halok bo‘ldi. Bu haqda mamlakat sud-tibbiy ekspertiza xizmati X ijtimoiy tarmog‘ida yangilangan ma’lumotni taqdim etdi.
Hozirda qutqaruvchilar vayron bo‘lgan uylarni ko‘zdan kechirmoqda. Ba’zi jabrlanganlar shifoxonada og‘ir ahvolda qolmoqda.
“Qurbonlar soni ortishi mumkin”, deydi Chili Prezidenti Gabriel Borich.
Shuningdek, bugun, 5 fevraldan boshlab mamlakatda uch kunlik motam e’lon qilindi.
Chilida joriy yilning 2 fevral kuni o‘rmon yong‘inlari boshlandi. 3 fevral kuni Chili Prezidenti Gabriel Borich yong‘in avj olgan Valparaiso viloyatida favqulodda holat e’lon qildi.
Yong‘in oqibatida kamida 1,6 ming kishi uy-joysiz qolgan. 1931 yilda tashkil etilgan botanika bog‘i vayron qilingan.
Live
Barchasi
