Чилидаги ўрмон ёнғинлари қурбонлари сони юзга яқинлашди
World
−
05 February 2024 5102 1 minute
Чилидаги ўрмон ёнғинлари оқибатида камида 99 киши ҳалок бўлди. Бу ҳақда мамлакат суд-тиббий экспертиза хизмати Х ижтимоий тармоғида янгиланган маълумотни тақдим этди.
Ҳозирда қутқарувчилар вайрон бўлган уйларни кўздан кечирмоқда. Баъзи жабрланганлар шифохонада оғир аҳволда қолмоқда.
“Қурбонлар сони ортиши мумкин”, дейди Чили Президенти Габриэль Борич.
Шунингдек, бугун, 5 февралдан бошлаб мамлакатда уч кунлик мотам эълон қилинди.
Чилида жорий йилнинг 2 февраль куни ўрмон ёнғинлари бошланди. 3 февраль куни Чили Президенти Габриэль Борич ёнғин авж олган Вальпараисо вилоятида фавқулодда ҳолат эълон қилди.
Ёнғин оқибатида камида 1,6 минг киши уй-жойсиз қолган. 1931 йилда ташкил этилган ботаника боғи вайрон қилинган.
Live
All