Chempionlikka da’vogar ma’lum. “Siti” “Chelsi”ni mag‘lub etdi
Sport
−
15 yanvar 2022 4022
Bugun, 15 yanvar kuni Manchester shahridagi “Etixad” stadionida Angliya Premer ligasining 22-turi doirasida “Manchester Siti” “Chelsi”ni qabul qildi va 1:0 hisobida g‘alaba qozondi.
Yagona gol ikkinchi bo‘limda kiritildi. 70-daqiqada “shaharliklar” yarim himoyachisi Kevin De Bryuyne Joau Kanseluning uzatmasini golga aylantirdi.
Uchrashuvni Kreyg Pouson boshchiligidagi hakamlar brigadasi boshqarib bordi.
Eslatib o‘tamiz, “Manchester Siti” 22 turdan so‘ng 56 ochko jamg‘argan holda APL turnir jadvalida 1-o‘rinda bormoqda. “Chelsi” esa 2-o‘rinni egallab turibdi. “Aristokratlar” hisobida 43 ochko mavjud. Kuchli uchlikka “Liverpul” (42 ochko) yakun yasagan.
Live
Barchasi
