Medvedev endi chegaralarni yopish foyda bermasligini aytmoqda

Koronavirus pandemiyasi tufayli chegaralarni yopishning hech qanday foydasi yo‘qligi aytildi. Bu haqda Rossiya Xavfsizlik Kengashi raisi o‘rinbosari Dmitriy Medvedev ma’lum qilgan.

"Virus hech qanday chegara tanlamaydi. Hatto, chegaralarning yopilishi ham virusga qarshi kurashning to‘liq samarali vositasi emas. Biz bularning barchasini bahorda allaqachon sezgandik, biroq hozir ham bu davom etmoqda", degan Medvedev.

Shuningdek, uning ta’kidlashicha, mamlakatlar o‘rtasida "ishonchsizlik devori" mavjud bo‘lsa ham, dunyo olimlari pandemiyaga qarshi kurashishda hamkorlik qilishlari kerak. 

Ayni vaqtda koronavirus yuqtirish bo‘yicha Rossiya dunyoda to‘rtinchi o‘rinda bormoqda. Rossiyada koronavirus bilan bog‘liq 1,5 millionga yaqin holat aniqlangan. Ushbu xavfli virusdan 23 mingdan ko‘p kishi vafot etgan. 

Dunyoda esa koronavirusga chalinganlar 38 milliondan oshgan. 1 milliondan ziyod odam vafot etgan.