Chechenistondagi kafeda SOBR va OMON jangchilari o‘rtasida otishma chiqdi

Olam

−

27 oktabr 2020 visibility15533 timer1 daqiqa

Chechenistonda SOBR va OMON jangchilari o‘rtasida otishma sodir bo‘ldi. Oqibatda ikki kishi halok bo‘ldi. Bu haqda TASS xabar bermoqda.

Ma’lumotlarga ko‘ra, mojaro Achxoy-Martan qishlog‘idagi Smile kafesidagi og‘zaki janjaldan boshlangan. Muassasa menejeri mast bo‘lgan ikki OMON xodimini – aka-uka Shamil va Shamxan Marzabekovlarni ko‘chaga olib chiqib, ularni tinchlantirishga harakat qilgan. U Rossiya gvardiyasining bir tanishidan mehmonlarga yordam berishni iltimos qiladi va voqea joyiga uchta SOBR jangchisi yetib keladi.

Xavfsizlik kuchlari avval pichoqlashishgan, so‘ngra bir-birlariga qarata o‘q uzishgan. Oqibatda uch kishi yaralangan, ikki kishi vafot etgan. Qurbonlar va jabrlanganlarning shaxsiga aniqlik kiritilmagan.

Ayni paytda dastlabki surishtiruv ishlari olib borilmoqda.

Maqola muallifi