Butun dunyoda oziq-ovqat narxi qimmatlashdi

Jahonda oziq-ovqat narxlari iyun oyida yil boshidan beri birinchi marta ko‘tarildi, deya xabar beradi BMTning Oziq-ovqat va qishloq xo‘jaligi tashkiloti (FAO).

Iyun oyida oziq-ovqat narxlari indeksi o‘rtacha 93,2 punktni tashkil etdi, bu avvalgi oyga nisbatan 2,4 foizga yuqoridir. O‘simlik moyining narxi ketma-ket to‘rt oy davomida pasaygandan keyin 11,3 foizga oshdi. Shakar 10,6 foizga, sut mahsulotlari 4 foizga qimmatlashdi. May oyidan beri don va go‘sht narxi 0,6 foizga tushib ketdi.

Hisobotga ko‘ra, dunyo bo‘yicha don ishlab chiqarish 2020 yilda yangi rekord darajaga – 2,7 milliard tonnaga yetishi kutilmoqda. Ayrim davlatlar uchun bug‘doy yetishtirish bashoratlari oshirildi.

May oyida koronavirus pandemiyasining salbiy ta’siri tufayli, oziq-ovqat mahsulotlarining jahon narxlari 2018 yil dekabridan beri rekord darajada balandladi. May oyidagi pasayish, shakardan tashqari, barcha toifalarga ta’sir ko‘rsatdi.