Bugundan qo‘shimcha karantin cheklovlari kuchga kirdi

Aholi o‘rtasida koronavirus infeksiyasining kamaytirish maqsadida O‘zbekistonga Koronavirusning kirib kelishi va tarqalishining oldini olish yuzasidan chora-tadbirlar dasturini tayyorlash bo‘yicha Respublika maxsus komissiyasining qarori bilan joriy yil 13 iyuldan 1 avgustgacha respublika miqyosida qo‘shimcha ravishda quyidagi karantin cheklovlari kiritildi: 

•    sartaroshxona va go‘zallik salonlari faoliyati to‘xtatiladi;
•    mahalliy (ichki) aviaqatnovlar va temir yo‘l qatnovi to‘xtatiladi;
•    65 yoshdan oshgan shaxslarga “o‘zini o‘zi yakkalash” hayot tarziga qat’iy rioya etish hamda sababsiz uydan tashqariga chiqmaslik tavsiya etildi.

Shuningdek, joriy yil 18-19 iyul hamda 25-26 iyul (shanba va yakshanba) kunlari butun sutka davomida respublika miqyosida harakatlanish, avtotransport vositalarining, shu jumladan, yo‘nalishsiz taksilarning harakati to‘liq to‘xtatiladi. 

Mazkur cheklov maxsus ruxsatnoma (stiker)lar asosida harakatlanadigan avtotransport vositalariga hamda Respublika maxsus komissiyasining joriy yil 8 iyuldagi qarori bilan tasdiqlangan Avtotransport vositalari harakatlanishiga maxsus ruxsatnomalar talab etilmaydigan holatlarga nisbatan tatbiq etilmaydi.

B 18-19 iyul hamda 25-26 iyul (shanba va yakshanba) kunlari quyidagilar tavsiya etiladi: 

•    aholiga – “o‘zini o‘zi yakkalash” hayot tarziga qat’iy rioya etgan holda o‘z uylarida qolish;
•    davlat organlari va muassasalari, xo‘jalik birlashmalari hamda boshqa tashkilotlarga – xodimlarni ishga jalb etmaslik, xodimlarning ushbu kunlarda uyda qolishi uchun sharoit yaratish.