Bugun egasi aniq “Oltin to‘p”ni topshirish marosimi o‘tkaziladi (video)
Sport
−
28 Oktabr 19392
Bugun, 28 oktyabr kuni Fransiya poytaxti Parij shahrida yilning eng yaxshi futbolchisi uchun “Oltin to‘p” topshirish marosimi bo‘lib o‘tadi.
Rasmiy tadbir oldidan “Oltin to‘p”ning ijtimoiy tarmoqdagi rasmiy sahifasida bu yil sovrinni kim qo‘lga kiritishiga shama qilindi. Videoda afsonaviy futbolchi Dide Drogba “Oltin to‘p”ni Reseb nomi bilan tanilgan bloger Luva de Pedreyroga topshirdi. E’tiborlisi, bloger Braziliya terma jamoasi libosida edi.
Ushbu holatdan so‘ng, sahifani kuzatib boruvchi muxlislar “Real Madrid” hujumchisi Vinisius Junior orzu qilingan sovrinni qo‘lga kiritishiga yanada ishonch hosil qildi.
Qayd etish joiz, o‘tgan mavsumda Vinisius “Real” bilan La Liga va Yevropa Chempionlar Ligasida g‘olib chiqqandi.
Live
Barchasi
