Bugun Abdusattorov xalqaro turnirda germaniyalik shaxmatchiga qarshi o‘ynaydi
Sport
−
21 fevral 2023 3946
Ayni kunlarda Germaniyaning Dyusseldorf shahrida shaxmat bo‘yicha nufuzli “WR Chess Masters” turniri davom etmoqda. Bugun, 21 fevral kuni musobaqaning 5-tur o‘yinlari o‘tkaziladi.
O‘zbekistonlik grossmeyster Nodirbek Abdusattorov bu turda germaniyalik Vinsent Keymerga qarshi qora donalarda bahs olib boradi.
Hozirgi vaqtda Nodirbek 4 imkoniyatdan 2 ochko jamg‘arib, turnir jadvalida qo‘shimcha imkoniyatlarga ko‘ra, 6-o‘rinni band etib turibdi. AQSH vakili Levon Aronyan esa 3 ochko bilan turnir jadvalida yetakchilik qilmoqda.
“WR Chess Masters”. 5-tur
Yan Nepomnyashiy (Rossiya) – Dommaradju Gukesh (Hindiston);
Andrey Yesipenko (Rossiya) – Uesli So (AQSH);
Levon Aronyan (AQSH) – Anish Giri (Niderlandiya);
Rameshbabu Pragnanandxa (Hindiston) – Yan-Kshishtof Duda (Polsha);
Vinsent Keymer (Germaniya) – Nodirbek Abdusattorov (O‘zbekiston).
Live
Barchasi
