Britaniyalik aktyor Putin rolini ijro etadi

Britaniyalik aktyor Djud Lou fransuz rejissyori Olive Assayasning “Kreml sehrgari” filmida Vladimir Putin rolini ijro etadi. Bu haqda "Deadline" xabar berdi.

Assayasning filmi italyan yozuvchisi Djuliano da Yempolining 2022 yilda chop etilgan xuddi shu nomdagi kitobi asosida suratga olinadi. Filmga ko‘ra, siyosiy triller 90 yillarda Rossiyada bo‘lib o‘tadi va syujet xayoliy qahramon – televizion prodyuser Vadim Baranov haqida hikoya qiladi, u o‘sha paytda hali prezident bo‘lmagan Vladimir Putin uchun siyosiy strategga aylanadi.

Lou bilan birga filmda Pol Dano, Alisiya Vikander va Zak Galifianakis rol o‘ynaydi. Ularning qahramonlarining ismlari oshkor etilmagan. Film yil boshida tayyorlanishi haqida mish-mishlar tarqaldi, ammo kutilayotgan filmning aniq sanasi yo‘q. Louning so‘zlariga ko‘ra, u rol ustida ishlashni boshlagan.

“Ya’ni men allaqachon boshladim, lekin hozir bu Everestga chiqishga o‘xshaydi”, degan aktyor.